雀鳥通常也不會吃菜的，
但有些雀鳥會食禾本科植物的種子，如：草籽及我們吃的稻米。
會食這些種子的雀鳥，包括：鵐及文鳥，由於牠們會食稻米，
所以一直以來農民都視牠們為害鳥，於是常設法驅趕。
還記得巾幗梟雄中必文說要以打鑼打鼓趕雀的劇情嗎？
還記得四奶奶的對白嗎？『趕了雀，就會有蝗禍！』
種子有澱粉質，雀鳥進食後，
身體很快便會將它轉化為葡萄糖產生能量。
另外，如果見雀鳥食花都算正常的，
因為花有花蜜，花蜜是好高糖份的液體，
就好似我地飲葡萄X咁！
但葉主要是纖維素，雀鳥身體不太能消化，
所以植物的葉並不能提供太多能量，
雀鳥食葉跟我們減肥淨食菜係無太大分別的，
得個飽字，但係無能量，
但雀鳥的新陳代謝比人高很多，
你話點頂得住？
今年食農作物的主要是一些鵯類的雀鳥，
例如大家在公園常見的紅耳鵯同白頭鵯。
平時佢地係食郊野d野果（高糖分）同毛蟲（高蛋白質）。
不過今年的冬天可能太冷，
樹上無咩蟲食，又無咩花及果食，
所以佢地餓起上黎就咩都食。
我係大埔滘就見過紅耳鵯連薇甘菊既葉都食。
仲見佢地扮「鶲」（Flycatcher）咁飛，
撲食飛行中的昆蟲。
但佢地既翅膀形態並不適合咁樣的飛行方法，
食左都未必補得返，睇見佢地都替佢地感到辛苦！
大自然食葉的主要是昆蟲（包括：蝶及蛾的幼蟲），
唔明點解D菜俾蟲咬時D農民又覺得好理所當然，
又唔會話D蟲，依家D雀因太肚餓先黎偷野食就叫苦連天，
農民們又有沒有乃念平時D雀鳥幫農民食左D毛蟲？
其實如果要防止雀鳥啄食農作物，
佢地可以加裝一些防雀既網，
不過因為價錢不太便宜，
並不是太多農民會安裝。
同清理木棉花事件相似，
解決問題有很多方法，
但一些改變大自然法則，
甚至是傷害大自然的方法，
又是否應該成為我們的「第一線」選擇呢？
另外，報導中提及用鳥屍嚇走雀鳥，
我想提提大家，香港法例第170章
<<野生動物保護條例>>第4及5項，
香港所有的野生雀鳥及其巢及蛋均受法律保護，
如果大家係野外／鄉村見到有人非法設置捕雀網是違法的，
請盡快致電1823，同接線生講有人非法設置捕雀裝置，
要搵漁護署職員協助。最緊要講清楚個詳細的地址，
同講低你的電話號碼，方便職員如果搵唔到個地方，
都可以致電再聯絡你！懇請各位留意及幫忙！
