manwongkay

去年年尾時見雀會特賣品中有MINOX單筒鏡,可以連DIGITAL CAMERA拍照,我無長鏡,又很想拍遠距離的雀鳥,見到宣傳單張上張貼的相也不錯,於是買了,誰知一用便發覺不妥,個相鏡要在MON上用人手對焦,以35X的倍數,用人手根本很難對焦,MON的色又差,不清晰,又反光,極難成功對焦,而相片的成像又差,一放上電腦,真是慘不忍睹。初時以為個機有事,拿回代理,結果要送返原廠,六個星期,結果說無事,而更激氣的是,在修理過程中把相機重新調較,不知如何,把遙控與相機的連系切斷了,結果又要拿回去,又要等六星期,平心而論,支單筒的質素不錯,可以接受,但個相機則是廢物,所以在此把此不愉快經驗與大家分亨!

trixho

Of course, cake is not cheap! 35X ,that equals 1700mm in photolens, too greedy for taking tele-photos and the targets are birds.

puppymic

拍片好似會好d

casualife

"用人手根本很難對焦" 樓主唔係以為有自動對焦嘛? 買光學器材真係要做足功課架.

Beetle

Quote:

Original posted by casualife at 6/02/2011 23:34
"用人手根本很難對焦" 樓主唔係以為有自動對焦嘛? 買光學器材真係要做足功課架.

如果用普通DC作digiscoping, 只要人手粗略調較後, dc便能作出有限度自動對焦, 我諗樓主話無自動對焦係同DC比較。

pitarhk

但其實樓主有無考慮過....用到1700mm鏡頭,腳架器材會否配合到？較幼身的腳架，連接多遠的鏡頭，會否頭重尾輕感覺？而且天氣會直接影響相片質素，點解？如果大好陽光，我會寧去觀，不去影，因為咁好天氣，無錯光線幾靚，但地面水氣蒸發後會變成熱氣流，可能樓主未真正了解到1000mm以上鏡頭睇出黎係咩效果，下次可以嘗試唔用DCM，用肉眼觀，看看是否有氣流流動，才使用DCM測試，因為遇上熱氣流，我送部Leica相機比你都話鬆吧。

我建議樓主嘗試用上較堅硬的腳架和選擇較陰天的天氣嘗試，同埋，嘗試找些較靜態同接近的雀鳥嘗試，才作出批評。

本人也是Digiscoping用家，雖然唔係使用DCM,但都用過下DCM,個mon細無辦法,但我印象中DCM顯示器內的下方好像有對焦輔助功能。

玩Digiscoping係其中一門學問，系統結構同DSLR係唔一樣！新手使用難免覺得器材唔得，但其實唔得背後，是否"這"器材未能得到配合呢？希望樓主認真搜尋下"Gear器材"版面既digiscoping資訊，同埋用心了解當前的器材，謝謝！

manwongkay

多謝各位師兄的意見!因我是新手,一入鳥會便心庠庠的想買單筒,又見宣傳單的照片都幾好,便買了!
我出此題目的目的都是提醒大家買的時侯要多作比較及搜集多些資料!
我最大的困擾是個MON,看上去是灰濛濛的,拿回代理檢查又話無事!
想問下拿來影VIDEO的那位師兄,你點樣對焦?
我見人家用普通DC就埋去阿輝哥個單筒度都影到,而MINOX的設計則不可以!
話又說回來,正如一位師兄咁講,平嘢自然無人家的咁正,萬鬆的一支單筒,效果我也滿意!

puppymic

其實我都係貪得意用左2-3次，無繼續研究點用添

影相同video都要手動架，不過佢唔使駁adaptor係優點，相片質素就真係DC會好好多，我之前一個測試既帖給你參考

http://www.hkbws.org.hk/BBS/view ... &extra=page%3D3

casualife

Quote:

Original posted by Beetle at 6/02/2011 23:41

如果用普通DC作digiscoping, 只要人手粗略調較後, dc便能作出有限度自動對焦, 我諗樓主話無自動對焦係同DC比較。

啊 ? 呢個真係要指教一下啦，因為我都有支單筒，而家用緊 T mount + dslr，當然係難對焦. 有點不明 DC 如何能夠 "人手粗略調較後, dc便能作出有限度自動對焦" 因為一向O既想法係如果DC 鏡頭接o既影像係未對準會好似人眼帶住唔正確度數眼鏡咁，即係點搞都係濛喎；乜原來唔係咁差咩 ?

Beetle

Quote:

Original posted by casualife at 10/02/2011 18:59

有點不明 DC 如何能夠 "人手粗略調較後, dc便能作出有限度自動對焦" 因為一向O既想法係如果DC 鏡頭接o既影像係未對準會好似人眼帶住唔正確度數眼鏡咁，即係點搞都係濛喎；乜原來唔係咁差咩 ?

我本身係玩單反為主既, 有支CHEAP雞單筒, 都試過駁dc digiscoping

DC的自動對焦都只係輔助性質,但個人感覺係比起DSLR全手動容易,因為唔駛較到人眼睇得清先對到焦。其實一支單筒就算人眼睇,唔同人對焦都可能有唔同要求!我較完睇得清之後,第二個睇都未必係清...
亦有做法係鎖死DC個對焦,靠番單筒本身用手動對焦。

再深入技術研究就留番俾D單筒專家勒~

casualife

Quote:

Original posted by Beetle at 10/02/2011 21:22


我本身係玩單反為主既, 有支CHEAP雞單筒, 都試過駁dc digiscoping

DC的自動對焦都只係輔助性質,但個人感覺係比起DSLR全手動容易,因為唔駛較到人眼睇得清先對到焦。其實一支單筒就算人眼睇,唔同人對焦都可能有唔同 ...

首先多謝指教，不過可能我領悟力低所以冇辦法明白.
唔同人有唔同對焦會唔會係近/遠視度數唔同 ? 光學上單筒同 DC 仔o既鏡片係冇近/遠視度數所以焦點係定數，如果入視影像係未對準，就算架 DC 對o岩焦都係對o岩一個濛o既影像因為由支單筒投射出來個影像根本未對準，所以就係唔明咯.

pitarhk

Quote:

Original posted by Beetle at 10/02/2011 21:22


我本身係玩單反為主既, 有支CHEAP雞單筒, 都試過駁dc digiscoping

DC的自動對焦都只係輔助性質,但個人感覺係比起DSLR全手動容易,因為唔駛較到人眼睇得清先對到焦。其實一支單筒就算人眼睇,唔同人對焦都可能有唔同 ...

單筒對焦方法真係純粹個人習慣~~

我使用單筒對焦時,首先用單筒的對焦環,對焦接近9成準時(可以係全準),再用DC的自動對焦,還樣速度上會較快和準;
Canon S同G系有"自動對焦點放大"功能,能夠在自動對焦後再作微調，但只能用於拍攝靜態雀鳥...
至於拍攝飛鳥,就不能使用這功能,因為對焦點放大後,你就無法/困難去對焦。

這言論不是亂發表,以下是利用單筒拍攝的飛鳥:
http://www.hkbws.org.hk/BBS/view ... &extra=page%3D1

manwongkay

多謝各位師兄的指導,我呻的就是minox支單筒只能配原產的dc,而原廠的dc根本無對焦的設備,只能完全靠單筒的對焦!
最麻煩的是dc的mon很暗,畫面很差,無可能在dc的mon上睇到目標物,於是只好先用目視鏡對焦,對準後拆去目視鏡,換上dc,然後才能影相!
試想下要花多少時間?又在換鏡時,怎確保無移動過個焦點?

casualife

Quote:

Original posted by pitarhk at 11/02/2011 20:04

單筒對焦方法真係純粹個人習慣~~

我使用單筒對焦時,首先用單筒的對焦環,對焦接近9成準時(可以係全準),再用DC的自動對焦,還樣速度上會較快和準;
Canon S同G系有"自動對焦點放大"功能,能夠在自動對焦後再作微調，但只 ...

即係會預埋單筒o既景深效果，咁就明啦. 再次多謝指教.