HKBWS Forum 香港觀鳥會討論區 - Powered by Discuz! Board

Subject: 無知少年驅趕燕鷗　Terns Driven Away by Boys [Print This Page]

Author: pitarhk Time: 17/07/2008 21:52 Subject: 無知少年驅趕燕鷗　Terns Driven Away by Boys

17/7/08 塔門 Tap Mun

最近睇鷗睇上癮,今日又遊船河.....

一到岸落船就見到3個青年出岸邊釣魚,

位置?就係燕鷗成日企既位置

佢地不惜一切,大聲呼喝同埋用木棍驅趕

去相

放大枝棍

咁D燕鷗去左邊?企響隔離D浮波...

有D就飛走晒......

事後佢地回程碼頭,我影低佢地3個人既樣作記錄,請問我可以點做?

其中一張

[ Last edited by BWA at 17/07/2008 22:01 ]

Author: lchunfai Time: 18/07/2008 12:11

call馬捉駛班人

Author: HFCheung Time: 18/07/2008 17:09

江西老林以前是個獵人，打不少的鳥，現在是觀鳥導遊。我想大家都樂意見到社會有進步，市民的保護意識提高，但這不是一兩天、一兩次活動可以見到成果。

激烈手法易做成非理性的對抗，可能會產生反效果，這些大家可以吸收以往一些經驗。

觀鳥會不能亦不會約朿會員或鳥友對這些事的處理手法，所以請自己判斷，個人認為事件在漁護署備案是有用的，希望漁護署想想辦法，而觀鳥會燕鷗組亦會討論這事，希望做一些事情去改善目前的狀況。

張浩輝

Author: pitarhk Time: 18/07/2008 23:12

Quote:

Original posted by HFCheung at 18/07/2008 17:09
江西老林以前是個獵人，打不少的鳥，現在是觀鳥導遊。我想大家都樂意見到社會有進步，市民的保護意識提高，但這不是一兩天、一兩次活動可以見到成果。

激烈手法易做成非理性的對抗，可能會產生反效果，這些大家可以吸收以往一些 ...

此事件昨晚我已經電郵至AFCD報告過,而今早AFCD回覆我,亦答應我他們有巡邏活動時,也會幫手留意,避免情況再次發生。

peter

Author: Sze Time: 19/07/2008 01:27

Quote:

Original posted by HFCheung at 18/07/2008 17:09
江西老林以前是個獵人，打不少的鳥，現在是觀鳥導遊。我想大家都樂意見到社會有進步，市民的保護意識提高，但這不是一兩天、一兩次活動可以見到成果。

激烈手法易做成非理性的對抗，可能會產生反效果，這些大家可以吸收以往一些 ...

絕對同意張博士的講法!

其實我會寧願大家集中咬住執蛋單case，迫政府在繁殖季節時將某幾個該年真係有燕鷗使用既島封島仲比較實際！
呢單只要強烈要求AFCD或者警方幫忙加緊巡視，以防同類事情發生便可以了！除非見到有更可害的行為！　

另外，做教育既其實任何人，任何時間都做得，唔洗下下都要等人地，等政府做的，成效可能唔太大，
但係都一定有用的，龍尾單case是一個最好的例子！所以請大家繼續身體力行去將保育的訊息傳播開去！

但在進行保育工作的時候，有一些事情想同大家分享一下！
就是請大家不要太過急進，要顧及一下當地人的感受及後果！
講一個不太大關係的小事情與大家分享：
話說塔門島上有很多狗，大部份都是有人養的，
但由於交通不便或者其他原因有部分是沒有植入晶片的！
有一日，我又在島上巡燕巢冷不妨被其中一隻剛剛落海玩完水
全身濕透的狗在我小腿邊猛力的擦腿而過，
狗仔是有心搵我條褲抹身的，
因為我前後被佢撞左2次！
然後牠停在一個婆婆的家門前，
因此我估那隻狗是婆婆養的，
於是我便說說笑，在婆婆面前抄狗狗一本，
我仲說笑話要在狗狗的媽媽面前講狗狗的壞話，
怎知婆婆說狗狗媽媽同另外幾隻島上的狗狗早前已被AFCD捉走了！
追問下原來是因為有些行山人士因為不滿被島上的狗狗吠，
所以向AFCD投訴，於是便派人將那幾隻「流浪狗」捉走了！

其實婆婆養狗也只是保護自己，
而狗狗也只是盡其本份，保護婆婆！
老實說，塔門島上的狗狗大部份都很乖，
而且通常你唔傷害佢地的話，
狗狗好少會襲擊人，
而且行山的人只是路過，
但只因他們一個投訴，
婆婆就沒有了保護她的忠心狗狗，
狗狗是可等的無辜呢？

所以有時作出投訴可能很容易，
但在行動前也請想清楚投訴的需要性，
要求的行動及帶來的後果會否對其他人帶來很大的傷害！

其實人與人之間真是很需要互相體諒及互相尊重的！
尤其是不要給人感覺我們是用知識去打擊其他學歷較低的人，
盡量分享有趣的知識，多觀察及了解當地的問題及現況，
這樣友好的關係才有機會慢慢建立起來！

[ Last edited by Sze at 19/07/2008 02:13 ]

Author: Sze Time: 19/07/2008 01:29

其實要明白塔門得好少人住（應該唔夠100人），島上既居民都好似一家人咁樣，
如果事情攪得太僵，對所有人及事都沒有好處！
塔門民風純樸，大部份居民都係d老人家，居民都唔太壞，
最壞個d都可能係島外黎釣魚或者行山既人！
島上居民學識唔太高，所以佢地唔會太明白咩野叫環保，咩野叫保育，
佢地只會每日照舊的生活，仲有曬鹹魚及其他海產，
只知道久唔久會有d外來人黎租船出海釣魚或者睇雀，這樣可以幫補佢地既生計！
而且佢地生活唔富裕，無咩野玩，就只有上山同下海，
所以d 後生仔可能會唔知道，做d野過份左，
原來會傷害到d動物佢地可能自己都唔知，
情況同以前d長輩會捉金絲貓同蟋蟀玩一樣！覺得咁樣係無乜問題！
其實如果當時可以同佢解釋到就當然係最好的教育方法啦！
如果無機會同佢地傾到計，同阿sir單聲幫手留意下都好既！

其實我係島上都有同d居民傾下計，講下d雀仔有幾慘，不過我諗要d時間 law!
我plan左下次入去時會送d燕子相俾d公公婆婆，
相後面寫句多謝佢地成日報料俾我聽d燕子係邊，
又俾我入屋影相，所以大家先有機會睇到咁多攪笑燕巢相架！
希望佢地唔好覺得係垃圾，而拒絕我啦！

[ Last edited by Sze at 19/07/2008 02:14 ]

Author: BWA Time: 19/07/2008 05:57

打個比喻：
如果將船換成汽車，
將燕鷗換成一群野狗，
有人想在郊外停車場泊車，
將一群在停車場流連的野狗嚇走，
相信很多人都會覺得沒有問題。

少年想用浮標固定小艇，
因此趕走在上面休息的燕鷗，
動機無可厚非，只是手法有點粗暴。
其實他們不必用棍或叫喊，
船走近了燕鷗自然會飛走。

少年覺得浮標上「不過係一群雀仔之嘛！」
對於鳥友來說那卻是難得一見的粉紅燕鷗，
因此非常反感，我自己都係。

除了表示不滿和向漁護署報告之外，
再追究那些少年沒有太大作用，
反而應該多向人介紹燕鷗，
指出燕鷗可愛和珍貴之處，
讓其他人一起欣賞愛護。

Welcome to HKBWS Forum 香港觀鳥會討論區 (http://hkbws.org.hk/BBS/)