以下是懶惰超新手「黑臉琵鷺」隊的觀鳥報告！好意頭！88隻！
第一日：
尖鼻咀（16:30-18:30）共49種
基本上最common既雀已經見到晒！包括：
4大鷺：大，中，小，蒼，池！
4大鴨：赤頸，綠翅，針尾，琵咀！
2大鷹：麻鷹同魚鷹！
3大翠：斑魚，白胸同Black-capped！（common則飲恨沒有3個人一齊看到！）
南生圍（18:45-19:15）共3種
執多一鷺（夜鷺）同聽埋林夜鷹之後，因為好肚餓就已收工返出市區食飯！
第二日：
大埔滘（07:45-10:00）共12種
由於隊員來自香港九龍新界及離島！所以好懶惰地7:45AM先到大埔滘！
而且對於我們一班淨係靠對眼睇，對耳係「聾」（唔識聽雀聲）既新手來說，大埔滘本來已是葬身之地，再加上超大霧及微雨，即係變相仲盲埋，完全是天亡我們也！
比較安慰的是見到橙腹葉鵯（雄），黑頭、白頭及混色頭都齊晒既黑短腳鵯，彈跳乒乓波的小鷦鶥，紅頭穗鶥伙拍紅咀相思，仲聽到Barking Deer叫（可惜唔計分！）！但飲恨地預計中的山椒，方尾，北灰同絨額鳾卻見不到！但最最最飲恨的是當其他隊員去了洗手間時，我卻見到一隻銀耳相思飛過！好飲恨！
米埔（10:30-14:30）共19種
再飲恨地過了當日唔好之中最好的水位時間出到浮橋，只僅僅辨認到灰斑鴴同金斑鴴！再一次大挫敗！慘！
跟住唯有盡執可以執到既猛禽，鷺鳥及鴨！包括：普通鵟，烏鵰，白肩鵰，澤鷂，草鷺，牛背鷺，栗樹鴨（依舊係15號塘縮頭縮腳大覺訓！），白眉鴨，鳳頭潛鴨同赤膀鴨！最後再執埋山斑鳩同普通翠鳥！當日天氣實在太熱，隊友們開始出現疲態，所以我決定要放棄石崗，讓隊友們多休息一回！
塱原（15:00-16:00）共5種
只再加到黃鶺鴒，扇尾沙錐，紅喉鷚，斑文鳥及棕扇尾鶯！找不到藍波，黑卷尾及杜鵑！
雖然不能達到目標中的100種，希望明年再努力一點可以衝破這心理關口啦！
