Sze

6月22日, 有朋友報料話係小學停課期間, 坪洲永安街成條街的家燕巢, 一夜之間被全數破壞!
經朋友的朋友幫忙點算後, 証實有9成的燕巢被破壞了(15巢只餘下2巢)!
而且這些燕巢的位置不是全部在G/F的, 而是有些在1/F, 有些在2/F露台的! 很心痛!

這些燕巢在5月義工巡查時, 有些是被記錄了正在預備今年的第二窩蛋的,
如果事情是在6月中或之後發生的話, 那些剛出世的幼鳥一定兇多吉少了!
嗚.......! 點解有人會咁殘忍的?(初步估計可能是有人惡意破壞) 嗚........! 太過份了!

[ Last edited by Sze at 27/07/2009 02:22 ]

Sze

好消息！大家可以放心啦！　
當燕子組巡巢義工坪洲專員接到消息後很唔安心的情況下，
今日特意幫手去了坪洲巡視一遍後，
回覆坪洲大部份的燕巢都安好啊！　  

最大傷亡的就是嘉暉花園附近個幾巢，
但經過坪洲專員視察後，他應為不似是人為破壞，
因為坪洲專員5月中巡巢時仍然見到燕巢原好無缺的，
但今日去到就唔見晒個幾巢，期間香港打過三次風，　
其中一次是9號風球的，而那邊是鄰近海邊，面向碼頭的，
所以估計燕巢應該是因天氣而損毀的機會較大！


至於之前永安街初步估計受影響個15個巢，
經坪洲專員巡視後回覆如下：

有9個安好（其中包括之前說的那2個安好的巢，其中一巢還有2隻剛離巢的幼鳥！）
有1巢5月中時已破損！
有2巢5月中時仍見成鳥在築巢，估計結果都是起唔成！
有1巢可能是因巢太小，結果被長大後的幼鳥踩爛左！
有1巢可能大雨，天氣潮濕而溶左！
仲有1巢真應該真係被人為清拆了，因巢位而塗上新油漆！

之前幫忙的朋友，可能由於巢位太過隱閉，
所以就算有燕巢地址資料也不易找到！
不過仍然很感謝朋友對燕子的關心！　　

其實經驗對巡巢真係很重要的！　


太好了！終於可以放下心頭大石了！
據坪洲專員說其實坪洲既人對家燕都很不錯的，
今日佢就影到以下叫人安慰的情況！

另外，有件趣事分享，坪洲專員係長洲有過一個觀察記錄，
原來家燕都很喜歡食白蟻的！　
話說坪洲專員今年很奇怪見到有一群家燕不停飛埋去一個捲起了的鐵閘，　
但那兒又沒有燕巢，究竟點解會飛埋去呢？
過幾日後再去睇時，發現成地都係白蟻翅膀，　
原來個度有個白蟻巢，D家燕係飛埋去捉白蟻食！
再過幾日，又唔再見D家燕飛埋去個個鐵閘度，
原來個白蟻巢已經被家燕群消滅左了！