Sze

話說今日趁好天一次過走了幾個地方巡燕巢, 結果去到最後一個地方時,
發現一楝有十多個有燕子使用中的小白腰雨燕巢既大廈開始搭棚,
地上放有估計是用來工程時包裹大廈的綠色網!
因為現時是小白腰雨燕的繁殖期,而且小白腰雨燕晚上是需要回巢休息的
為希望大廈工程時可以留條生路俾d燕子出入鳥巢,
所以我先打俾鳥會, 同事都話可能要聯絡AFCD,
但他們都會睇下可唔可以幫手出封信俾楝大廈!

跟住我就打去1823, 希望AFCD也可以幫手出信及
提醒大廈業主大廈外牆有燕巢, 希望工程時多加留意!
點知個接線生就只係話大廈係私人地方,
佢地有權清理大廈外牆上既鳥巢!
我即時火到黎埋, 有無攪錯?
所有野生動物及鳥巢都是受保護架嘛!
個接線生就話都唔係所有雀都受保護架! 唔通白鴿又受保護咩?
我聽完佢黎叫句就仲火上加油!
我問佢你有無聽過幾年前元朗阜財街單CASE? 拆巢既工人係會俾人告架?
個接線生就答: 無喎! 我地人上無呢樣資料喎! 仲話佢地有指引唔係咩都關AFCD事!

痴線架! 呢個咩人黎架!
我跟住就發晒火話: OK! 你唔識唔緊要! 咁你可唔可以PASS 我個CASE俾AFCD, 搵個識既人同我講?
個接線生仲係想耍我收線, 我死都要佢搵AFCD既人覆我,
最後佢好唔服氣地先話咁幫你當ENQUIRY咁落啦! 態度當然好唔HELPFUL啦!

收線後, 我立即再打1823投訴之前個接線生!
大佬呀! 你唔識我唔怪你, 因為接線生無可能識晒所有野,
但你唔肯定時, 唔該你唔好淨係識耍人收線呀!
你可以幫我PASS 個CASE俾有關同事呀!

所以如果大家有機會遇到有鳥巢有被毀既危機時,
千萬唔好咁易俾D 接線生耍你收線! 一定要力爭到底!

真係好激氣!

HKBWS Vivian

辛苦你喇阿sze...完全感受到你當時的憤怒!! 如果AFCD 覆你, 記得話俾我地知~

lchunfai

我地撐你,為左小白腰b~

Sze

多謝你們的支持呀! 好感動!

好彩!今日已經有AFCD既職員回覆我(起初我仲驚有等多幾日!),
佢地明天會去個度睇下個工程會點樣影響D燕巢,
然後再搵大廈既負責人傾,希望幫到D雨燕啦!

個楝樓既燕巢其實已經好慘架啦!
因為去年繁殖季後,楝樓對面起左一楝50幾層高既玻璃幕牆大廈,
我已經擔心會有好多雨燕(尤其是新出生的)撞玻璃死,
點知原來仲未係最慘既情況,今年仲落左咁耐雨,
又打個8號風球,依家仲搭埋棚!

再有最新進展既話再話俾大家知!

P.S.我睇開既5個市區既小白腰雨燕繁殖點,今年有4個都仲係無乜或者少左雨燕返黎,仲有1個我未去睇!
唔知係今年凍耐左,影響佢地既繁殖期;定係佢地搵到新地點繁殖(如果係我又要好艱辛再搵過! );
定係佢地有咩不測? 好擔心!
希望佢地快D返黎啦!

[ Last edited by Sze at 4/07/2008 00:20 ]

Sze

有編號的紅圈是去年或前年肯定有雨燕使用的巢位! 沒有編號的是懷疑位置! 本來想今年去再confirm, 不過可能沒有機會了!

[ Last edited by Sze at 4/07/2008 00:47 ]

HKBWS Vivian

今次AFCD 的表現又幾好喎~

係香港, 要安居...唔係一件易事呢...可唔可以俾小小生存空間呢D捕食蚊虫的雀仔?

Sze

Quote:

原帖由 HKBWS China 於 4/07/2008 11:12 發表
今次AFCD 的表現又幾好喎~

係香港, 要安居...唔係一件易事呢...可唔可以俾小小生存空間呢D捕食蚊虫的雀仔?   

係呀!係呀!好快手呀!
今日AFCD既職員已經去左了解個情況，他回覆我大廈外牆部份地方因為有剝落所以需要做維修，
而管理處亦應承了在工程進行時會避開那些鳥巢！
鳥巢的危機暫時說是解除了！不過我遲d都會再去睇睇！
希望唔洗再搵大家幫手啦!

其實, 唔單止雀仔, 所有既野生動物都好努力的令自己可以生存下去,
希望大家都可以為佢地做多D, 俾返D生存空間佢地啦!

[ 本帖最後由 Sze 於 4/07/2008 23:40 編輯 ]

HKBWS Vivian

Quote:

Original posted by Sze at 4/07/2008 23:38



係呀!係呀!好快手呀!
今日AFCD既職員已經去左了解個情況，他回覆我大廈外牆部份地方因為有剝落所以需要做維修，
而管理處亦應承了在工程進行時會避開那些鳥巢！
鳥巢的危機暫時說是解除了！不過我遲d都會再 ...

嗯嗯...都希望d 工作人員真係可以唔攪d 巢啦...阿sze 你去 "監察"下都好...如有需要, 我地會盡力support!

Sze

今日是悲喜交集的一日！

今日13:17我又去到該楝外牆有燕巢的大廈巡視，
終於見到d小白腰雨燕返來了！
總數大約有5隻！





跟住就發現大廈唔守信用，6個燕巢中有1個已被網封了正面！







跟住更唔開心既係我見到d小白腰雨燕好想飛返埋個巢度，但因為d棚阻住而唔知點樣飛入去先好！

佢地嘗試飛入！（13:19）





唔成功，反彈返出黎！






如事者，d雨燕試左好多次，而且一面嘗試，一面就發出一些跟平時很不同的叫聲！是一些比平時低沉又短促的叫聲！


過左7分鐘後終於有1隻成功左！（13:26）




但佢既伴侶唔成功，都係飛唔到埋個巢度！




成功的1隻在牆上等待！（13:27）




然後又離開！（13:27）




佢地繼續嘗試！（13:27）




又有1隻成功左！（13:28）






另1隻也再次嘗試！（13:28）





終於都成功啦！（13:28）







接著，牠們又離開，然後又再飛埋個巢度，好像想熟習如何飛埋個巢般！（13:28）





































跟住佢地就飛遠去覓食了！（13:29）


跟住我又發展另1個燕巢也有鳥可以成功出入！（13:44）









事後，因為已有1個燕巢被封，我因擔心其他的燕巢也受害，所以我再致電負責的AFCD職員，麻煩他幫忙再次跟進！希望那些巢及雨燕會平安無事！

jemi

Quote:

Original posted by Sze at 2008-7-4 23:38

係呀!係呀!好快手呀!
今日AFCD既職員已經去左了解個情況，他回覆我大廈外牆部份地方因為有剝落所以需要做維修，
而管理處亦應承了在工程進行時會避開那些鳥巢！
鳥巢的危機暫時說是解除了！不過我遲d都會再 ...

開始有點擔心！唔知Ｄ大廈嘅負責人有無通知工人唔好掂（清理）啲燕巢呢？
Worrying! I wonder if the management of building has requested the workers to leave the nests alone.

HKBWS Bonnie

AFCD 的職員, 希望您地快D 去睇下啦~~ 呢D 小生命的存活就靠您地喇 (仲有好努力好努力的阿SZE)

Hope that the AFCD Officer can go to have a check as soon as possible. Lives of these little birds depend on their action (and also the hardworking Sze)!

Sze

Quote:

Original posted by wjemi at 14/07/2008 23:29


開始有點擔心！唔知Ｄ大廈嘅負責人有無通知工人唔好掂（清理）啲燕巢呢？
Worrying! I wonder if the management of building has requested the workers to leave the nests alone. ...

其實就算佢地唔清理，
將來d搭棚工人同d雨燕巢都好近，
唔知對d雨燕會唔會有影響！
另外，如果巢內真係有燕BB，
佢地將來學飛時，D棚對佢地應該都會有影響！
睇下佢地既父母飛得咁叻，
都要試左7分鐘先飛到入去，
幼鳥好可能一飛出黎就撞到D棚！

lchunfai

Call WWF 救B

Sze

Quote:

Original posted by lchunfai at 15/07/2008 13:55
Call WWF 救B

應該唔關WWF事，如果隻雀受左傷可以call SPCA，依家AFCD幫忙跟進緊呢個case！

AFCD既職員真係好有效率，今日佢已經又去左了解一下，
佢回覆我D網唔會再落D架啦，所以剩餘既巢應該唔會俾D網阻住！
至於已經俾網遮住個巢，佢已經同大廈講左希望可以改善一下，唔好阻住個燕巢！
我會繼續跟進！如果有需要我會再搵AFCD幫手，
不過當然唔希望有呢個需要啦！

最後，好感激AFCD那位職員有效率的跟進！感激萬分！

HKBWS Bonnie

AFCD 的職員, 讚一個!
(希望他有看我們的討論區吧!)

kken

看見sze姐一系列雨燕入巢圖片,也不禁讚讚雨燕們對生命的執著 !

Sze

Quote:

Original posted by kken at 16/07/2008 10:56
看見sze姐一系列雨燕入巢圖片,也不禁讚讚雨燕們對生命的執著 !  

因為那裡是牠們辛苦營造的家，內裡更可能有牠們心愛的小寶寶呢！

jemi

Quote:

好感激AFCD那位職員有效率的跟進！感激萬分！

感激AFCD那位職員有效率的跟進！

Sze

工程已於個多星期前完成，網及棚架已經拆掉！
不過自７月中後已沒有再發現雨燕的蹤影，
可能已經棄巢！
唯有寄望下年牠們再回來吧！

註：今年我巡查的5個小白腰雨燕巢，只有其中2個有較明顯有幼鳥出世的跡象，
其餘3個接近是棄巢狀態，而且今年成鳥及出生的幼鳥數量亦似乎比過往2-3年為低！
希望只是週期性波動，下年會回復至以往水平！

Sze

整左動畫版！

小白腰試飛Take 1





小白腰試飛Take 5




小白腰試飛再Take --- 唔成功！返彈！




小白腰試飛再Take N！

Sze

好野！今年佢地返左黎啦！　
之前都只係見6隻左右，
今日5點去探下佢地時見到成30隻呀！

不過個數字實在多左太多了，
而且睇左成個鐘後發現佢地唔係隻隻都飛入巢，　
好多都只係好似跟住帶頭個隻係度飛下，　
有d似似我地玩拉人龍咁！
　
有d 懷疑小白腰雨燕都有些跟麻鷹相似既黃昏群聚習性，
又或者佢地帶附近的朋友仔黎睇下佢地屋企個示範單位？









[ Last edited by Sze at 26/05/2009 20:04 ]

hetta

謝謝跟進～～

回來了！