【第七屆新界魚塘節】

獲鄉郊保育資助計劃資助嘅「香港魚塘生態保育計劃」，除咗宣揚保育魚塘可以為雀仔提供有利嘅覓食同棲息環境之外，自2017年開始亦以「愛心魚贈送計劃」將本地漁民用心飼養嘅淡水魚轉贈到唔同嘅食物銀行，令需要糧食支援嘅人士都可以喺疫情呢段艱難時刻，將保育計劃背後嘅人情味傳遞開去！
今年除咗得到鄉郊保育資助計劃及鄉郊保育辦公室資助外，更獲得中電控股有限公司贊助購買200條烏頭，喺 2月25日 由新界魚塘直接送贈到惜食堂，為社區有需要嘅人士製作飯盒。因應疫情發展，惜食堂廚師會將我哋轉贈嘅新鮮烏頭預備成凍餐，包裝好後可以透過分佈各區嘅自助機更彈性地取餐，預計3月初可以轉贈到有糧食需要嘅受惠者手上????！了解更多惜食堂服務
到時會繼續將花絮同各位分享！

*參與「香港魚塘生態保育計劃」嘅漁民，答應喺唔傷害雀仔為大前提下維持魚塘運作，完成協議嘅工作後本計劃會提供管理費用以支持漁民繼續營運魚塘。因此呢啲魚塘既養活香港人之餘，亦惠及長期居留本地嘅留烏同埋途經香港嘅候鳥㗎！

- 贈予受惠者急凍包 -

受惠機構

贊助機構 

「第七屆新界魚塘節」喺2022年2月20日至3月6日於網上舉行！
記得留意我哋網頁其他活動，包括工作坊、宣傳片等等！

#香港觀鳥會 #HKBWS #香港魚塘生態保育計劃 #網上魚塘節 #愛心魚贈送