【新田環評又睇漏嘢？盤點三大漏洞?】

繼環保署澄清認錯雀為「編輯問題」，新田科技城環評報告又有遺漏?？今次又係唔係「編輯問題」呢?？

⚠️ #計漏魚塘區一半以上繁殖鳥種
魚塘區係唔少水鳥喜愛嘅繁殖地，例如填塘範圍就曾錄得 #金眶鴴、#小鸊鷉、#白胸苦惡鳥 嘅繁殖記錄，但環評似乎於魚塘區只記錄到兩種鳥種（#金眶鴴 和 #灰背椋鳥）嘅繁殖或築巢行為。換言之，報告至少計漏魚塘區一半以上嘅已知繁殖鳥種記錄?

除此之外，#閒置魚塘 同 #蘆葦床，亦係某類 #陸地雀鳥、#葦鳽屬雀鳥 嘅濳在繁殖地，但環評報告亦無著墨。正因繁殖係雀鳥生命週期中嘅重要一環，一旦有任何差池，將直接威脅整個鳥種嘅族群存活‼️

⚠️ #數漏魚塘常見陸地雀？
#葦鶯屬雀鳥、#棕扇尾鶯、#紅喉歌鴝 係魚塘及開闊原野常見嘅陸地雀鳥，但報告竟然冇以上記錄，十分不尋常?而辨別此類陸地雀鳥有一定技巧，甚至須熟悉其叫聲，如果唔熟習佢哋嘅特徵同習性，或有可能「走漏眼」，或嚴重低估新田生態價值及功能。

⚠️ #數漏夜鷺日棲地
新田魚塘區旁嘅蓄洪池樹林係 #夜鷺日棲地。上年年尾，我哋於該處觀察到超過54隻夜鷺、入夜前由呢片樹林飛往新田一帶魚塘覓食?但報告居然未提及此 #夜鷺日棲地，只提及該區有兩個鷺鳥林、五個夜棲地、兩個日棲地，而被遺漏嘅棲息地 #鷺鳥使用數量、規模似乎比報告提及嘅棲地更大，令人擔心環評嚴重低估發展對整個鷺鳥族群嘅不良影響。

⚠️漠視環評程序　胡亂擴張發展？
早於上年5月，政府突然公佈規模激增一倍嘅新田科技城方案時，我哋聯同環團指出沿用2021年舊環評研究概要嘅潛在問題，包括：#研究未能考慮公眾對填塘範圍嘅意見、#研究方法不全面、#增加環評報告遺漏嘅風險，導致無法有效評估，甚至嚴重低估新田科技城所帶來嘅重大生態影響。可惜政府最終堅持沿用舊環評研究概要，拒絕就規模倍增嘅填塘方案重新申請環評❌

香港觀鳥會十分擔心上述遺漏只屬係冰山一角，並期望環保署及環境咨詢委員會嚴謹把關，確保環評嘅準確度，更不可輕率接納如此粗疏嘅環評報告，放生新田發展，令環境遭不可逆轉嘅破壞。